2015年9月20日 星期日

婚禮實用資訊 第1篇-燒碟




好耐冇UPDATE個BLOG,又係時侯UPDATE下,今次想開始寫D新野,係一樣想寫好耐但一直都未開始既野,就係一D搞結婚時實用既資料,都做左婚禮攝影一段日子,有好多野想用攝影師嘅角度同大家SHARE下,上至婚宴場地資訊、下至RUNDONW製訂,乜都會寫下,今次第一篇就係想講「燒碟」!

燒碟聽落好似對新人來講係好似冇乜用,但其實而家好多新人都會自己準備一D VIDEO係WEDDING入面播出,如果唔識燒碟,或者燒錯FORMAT到時播唔到,咁都幾麻煩,而事實上我都有唔少客人試過係咁,最後都係我出手相助即場燒過一隻出來先順利播到出街。 首先大家要留意而家好多VIDEO整完出來係MPEG/MP4等FORMAT,呢D FILE FORMAT一般都係比電腦讀的,DVD機係未必讀到(正確來講係多數都唔得),而係香港搞婚宴既場地多數都係用DVD機播VIDEO的,少數場地先有電腦可以播到電腦FILE(係,當而家全高清都幾乎就來比4K淘汰咁濟既時代,多數酒樓/酒店都仲係用緊DVD機,三兩千蚊買部電腦播質素比較好既VIDEO都唔肯,呢點我係到而家都唔係好明。。。講多樣題外話,話說有個場係上年新裝修,全場換哂4K電視,質素十分高!但最後竟然同我講佢地只能夠做到用DVD機播片,仲要係以4:3畫面出,當時我成隊CREW都"啤"一聲,想知係邊個場?遲下講場地先話你聽~),所以如果大家就咁將MPEG/MP4等FILE直接燒落DVD,放碟入電腦配合適當的播放程式係會播到的,但放入DVD機就唔得了,咁點先可以將手頭上既VIDEO燒到一隻DVD機播到既碟呢?

其實坊間都有好多DVD燒錄程式,例如"NERO BURN",mac機用的話就有"Toast",值得留意既係呢D程式當然都可以好似windows同mac built in既function咁就咁將D file燒落碟,而佢地係仲可以將你既MPEG/MP4等FILE轉成DVD機播到的FORMAT(VOB)再燒落碟,大家不妨係電腦打開你想播既碟,如果係一般DVD機播到既碟,你應該係睇到入面有一堆比DVD機操作既FILE,好似以下兩張圖咁:
打開"VIDEO_TS"入面應該會見到有好幾個比DVD機操作的FILE

如果隻碟入面得獨立一個MPEG/MP4呢DFILE,咁放入DVD機就未必播到架喇~

"NERO BURN"或"Toast"都係要比錢買的SOFTWARE,但其實都有D FREE既SOFTWARE可以燒到比DVD機播既碟,例如呢個"Express Burn"(己UPDATE部份:之前介紹的"FREE STUDIO"原來係冇左燒碟既FUNCTION,多謝客人Wing-Sum測試及提供資料!)

LINK:http://www.nch.com.au/burn/index.html
(呢個Software我係未實測過,但網都有好多FREE的燒碟程式,大家應該唔難搵到的)



2015年7月9日 星期四

Kafu & Jun's Wedding

之前好少分享Same Day Edit, 但今次真係好想同大家分享這對客人的SDE,可以話係咁耐以來我最滿意的SDE之一,首先我要比個最佳配樂獎我拍檔,首歌真係好MATCH佢地既WEDDING~

拍片同影相都係一樣,覺得靚唔靚係各花入各眼,但成條片好表達到KAFU同JUN既故事,雖然我唔知佢地既過去,但從當日佢地既眼神、同兄弟姊妹之間既交流,都知道佢地一定係經歷左好多,眼完條片我都有D眼濕濕呢。。。





2015年5月28日 星期四

Singapore Overseas Pre Wedding

終於都第一次出左OVERSEAS影PRE WEDDING,其實一直以來都唔係太有動力出國影相,但最近實在太多客人詢問OVERSEAS的PACKAGE,WORLD TOUR都係時侯開始喇,第一站先到SINGAPRE,一個我去過三次的國家,其實我都幾鐘意到新加坡,無他,空氣好、乾淨,係熱左D啫,真係影到中暑咁濟,唔怪得冇乜攝影師到新加坡影相,冇返咁上下體能都分分鐘頂唔順呢~



2015年2月10日 星期二

忙忙忙

大家真係唔好意思,實在太耐冇係到UPDATE下個BLOG,我自己都唔係好接受到。。。因為最近一兩個月實在忙到唔係甩碌,簡直就係四輪朝天,加上農歷年臨近,好多貨都要趕比客人,跟本連停低落來思考同大家分享乜好既時間都唔係好多呢~

首先要多謝大家既支持,過去既一月創左我入行以來單月簽單最多既紀錄,至於係幾多單同搵到幾多就唔好問我喇。。。搵到餐飯食咁LOR~

今次同大家分享既唔係靚相,係有感而發。最近見到好多行家(有D都識或者係我識佢,佢唔識我咁)係各大婚禮界頒獎禮得到大大小小既獎項,我都好"登"佢地高興,尤其係同期出身個D,做得好好得到各方認同,實屬難得!

論名氣,小弟係呢行真係冇乜。。。跟據我好認真咁統計,時至今日,REFERAAL都係佔我生意既80%以上(比起一年前OVER90%已經多左街客呢~),即係街外人應該唔係好知我存在。。。名氣係冇,但我好驕傲我自己仲係好有心做呢行,每一個客人我都係盡心盡力做到最好比佢地,我永遠相信客人既體驗會係我最好既廣告,所以我好歡迎體驗過我服務既客人來到我FAN PAGE寫低你地既REVIEW,無論係覺得我做得好或者要改善既都歡迎你地寫低,欣賞小弟既當然會係一種鼓勵,覺得有沙石既都會係推動我向前走得更遠既動力!保証你寫既每一隻字都係OPEN TO PUBLIC!(所以記得寫完SET個PRIVACY係"PUBLIC"呀!好感恩暫時大家對小弟都係正評,希望可以一直保持落去呢~)

P.S. 最後當小弟大膽D對住D COPY CAT講:相,你可以抄到(4成咁啦);LAYOUT,你可以抄到;價錢,你都可以照住抄(但請留意,質素先係決定收費的主要因素呢~),但用家的體驗,你點都係抄唔到的,與其花咁多心機留意我來跟,不如用多D時間做好D基本功先,我唔係老闆,你的客人才是呀!

Stephen NG Photography's review: