攝影樂趣

近兩年攞起相機都係為工作，己經唔記得上次一個人輕輕鬆髮咁做創作係幾時了，前排無聊去聽左一個TALK，聽完覺得為左保持住自已影既相有"靈性"，不至於麻木咁"啤相"，今年訂既其中一個目標就係做返幾個創作既PROJECT，要輕輕鬆鬆鬆咁影一D自己鐘意既野，一個人再次慢慢享受攝影既樂趣。真係好懷念好耐之前就算勁凍勁攰都不惜山長水遠、由朝到晚一個人周圍去影相既日子。

咁岩最近有機會幫一位DANCER影一個PROJECT，係一個好好既開始，多謝RACHEL對我既信任～其實我真係好鐘意影跳舞，呢幾年大大話話影既SHOW都十幾二十個，我唔敢講我影既舞蹈相特別靚，但自問對於表達DANCER既情感係唔錯，我諗呢D就係藝術既"感通"吧！好多人都話影跳舞基要好似開機關槍咁連拍，但其實我用連拍既時間係極少，反而每次影我都用好大部份時間留意究竟隻舞或者DANCER係想表達D乜。。。講到尾"攝影"比起"操作相機"係完全兩回事，攝影師識用相機、影到靚相係基本要做到既事，能夠令張相有靈魂先係攝影師最有價值既地方。